बेलायतमा डेल्टा भेरियन्ट निकै सक्रिय, गएको २४ घण्टामा ४८ हजारभन्दा बढी संक्रमित

२०७८ श्रावण ४, सोमबार
पढ्ने समय : < 1 मिनेट

बेलायतमा कोरोना संक्रमितको संख्या दिनदिनै वृद्धि भइरहेको छ। यहाँ गतहप्ता हरेक दिन संक्रमितहरु बढेका थिए।

दुई महिना अघिदेखि निकै शक्तिशाली रुपमा देखा परेको इन्डियन कोभिड भेरियन्ट डेल्टाको संक्रमण बेलायतमा हाल तीव्र रुपमा बढ्न थालेको हो।

यहाँ गएको २४ घन्टाभित्र ४८ हजारभन्दा बढी सङ्क्रमित देखिएको छ। यो समेतगरी बेलायतमा अहिलेसम्म सङ्क्रमित हुने व्यक्तिको संख्या ५४ लाख ३३ हजार पुगेको छ।

साथै यहाँ गएको २४ घन्टाभित्र यस संक्रमणबाट २५ जनाको निधन समेत भएको छ। यो समेतगरी बेलायतमा कोरोनाको सङ्क्रमणबाट निधन हुने व्यक्तिको संख्या १ लाख २८ हजार भन्दा बढी पुगेको बताइएको छ।

बेलायतमा ८८ प्रतिशत वयस्कले कोरोना भाइरसका विरुद्धको खोपको पहिलो मात्रा लगाएका छन् भने अरु ६८ प्रतिशतले दोस्रो मात्रा नै लिएका बताइएको छ।

बेलायतका स्वास्थ्यमन्त्रीले यो खोपको वितरणको कार्यलाई प्राथमिकतामा राखिएको बताएका छन्। बेलायतमा खोप लगाउने कामलाई निकै प्राथमिकतामा राखिएको भए पनि यहाँ सङ्क्रमितहरु थपिने क्रम भने रोकिएको छैन।

पछिल्ला हप्ताहरुमा मृत्यु दर भने कम भएको स्वास्थ्य अधिकारीहरुले जनाएका छन् । रासस/सिन्ह्वा

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

You cannot copy content of this page